MURIQAN- Një 50-vjeçar është vënë nën hetim pasi u përpoq të fuste 28 mijë e 400 euro para të pa deklaruara në kufi.
Shërbimet e Policisë Kufitare në PKK Muriqan teksa po kontrollonin mjetin me të cilin po udhëtonin dy shqiptarët e Kosovës babë e bir, gjetën edhe paratë e padeklaruara në çantën e 50-vjeçarit.
Në vijim të veprimeve, u referuan materialet në Prokurori ku nisi hetimi për shqiptarin e Kosovës me iniciale P. P., 50 vjeç, banues në Gjermani, për veprën penale "Mosdeklarimi në kufi i të hollave dhe i sendeve me vlerë".
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Komento
Komente
Keta kufitaret e Shkodres sa te pergatitur jane qe te nuhasin kartmonedhat?! Droga i kalon para syve dhe nuk e shofin as e nuhasin hic...
Përgjigju