VLORË- Deputeti demokrat, Enkelejd Alibeaj ka zhvilluar një takim me disa demokratë të qarkut të Vlorës lidhur me reformën territoriale, për të cilën është ngritur një komision i posaçëm.
Kur Alibeaj u pyet lidhur me mungesën e deputetëve nga “grupimi” i Berishës në këtë komision, Alibeaj tha se ata nuk kishin bërë asnjë kërkesë për të qenë të pranishëm.
“Nuk është e vërtetë ajo që thotë ‘foltorja’. Unë kam thënë kushdo nga PD mund të bëjë kërkesë për të qenë në komision. Nuk pati asnjë kërkesë”– tha Alibeaj.
Alibeaj kujtoi edhe komisionin e Reformës Territoriale në vitin 2014, për të cilin u shpreh se PD nuk mori pjesë për shkak se kishte frikës mos humbiste në vitin 2015 në zgjedhjet lokale.
S.C//ReportTv.al“Nga sa mbaj mend tek reforma territoriale, ne nuk kemi marrë pjesë sepse kemi pasur frikë. Kjo më vret mua, këtë nuk e duroj dot. Ne nuk morëm pjesë atëherë sepse kishim frikë se mos humbisnim në vitin 2015. Për këtë arsye sajuam mos-marrjen pjesë. Këtë nuk duhet ta pranojmë më. Ne duhet të marrim pjesë në çdo sfidë elektorale dhe politike”, u shpreh deputeti Alibeaj.
