Legjenda braziliane e futbollit, Pele u nda nga jeta në moshën 82-vjeçare. Tre herë fituesi i Kupës së Botës u përcoll me nderime në banesën e fundit, teksa në Brazil u shpallën tre ditë zie.
Tanimë mediet në Brazil bëjnë me dije se interes ka të shihet nëse do hapet kutia e Pele në dhomat e zhveshjes së Santos. Prej 40 vitesh, atëherë kur la futbollin, klubi brazilian nuk e ka hapur dollapin e tij në dhomat e zhveshjes, me ish-futbollistin që kishte kërkuar diçka të tillë.
"Askush nuk e ka zënë vendin që ishte i Pele në dhomat e zhveshjes të Santos. Ka atje një dollap që është i mbyllur që kur luajti për herë të fundit me këtë klub. Ai ka vendosur disa gjëra aty brenda, e mbylli dhe tha ‘mund ta hapni kur unë të mos jem më mes jush’”, shpjegoi ish-futbollisti Gustavo Leal. I mbrojtur me fanatizëm, do jetë klubi i Santos që do vendosë t'i japë fund misterit për sendet që gjenden në të.
S.DH/ReportTv.al