Jose Mourinho ka vendosur të largohet nga Bordi i Futbollit të UEFA-s. Pas sanksioneve më të fundit të UEFA-s ndaj Romës, duke përfshirë një dënim me katër ndeshje për Mourinhon në përgjigje të sjelljes së tij ndaj gjyqtarit Anthony Taylor pas finales së Ligës së Evropës, tekniku portugez u largua nga Bordi i Futbollit të UEFA-s, një bord këshillues i përbërë nga ish-lojtarë dhe trajnerë elitë.
Mourinho ia ka komunikuar tashmë vendimin e tij drejtorit dhe shefit të futbollit të UEFA-s, Zvonimir Boban.
Vetë Mourinho ka publikuar letrën drejtuar Bobanit:
I nderuar zoti Boban,
Duke ju falenderuar për ftesën që më bëtë për të qenë anëtar i Bordit të Futbollit të UEFA-s, me keqardhje ju informoj se do të heq dorë nga pjesëmarrja ime në këtë grup. Kushtet në të cilat kam besuar aq fort kur u anëtarësova nuk qëndrojnë më dhe ndjeva detyrimin për ta marrë këtë vendim. Kërkoj që vendimin tim t'ia komunikoni edhe Presidentit Z. Aleksander Čeferin.
I juaji, Jose Mourinho.
S.DH/ReportTv.al