Moti me shi nuk ka krijuar probleme në Durrës dhe Fier.
Në qarkun e Fierit gjatë natës ka patur rreshje të shoqëruara me shkarkesa atmoferike. Sipas informacionit të marrë nga prefektura nuk ka patur asnjë shqetesim edhe nga lumenjtë. Në Durrës vazhdon e njëjta situatë me motin. Tragetet vazhdojnë normalisht lundrimet sipas grafikëve. Vetëm anijet e tonazhit të vogël dhe peshkatoret të bllokuara në port.
Kurse në Vlorë kushtet e rënduara hidrometeorologjike në Port vështirësojnë lundrimin detar. Era e fuqishme ka rritur ndjeshëm forcën e dallgëve e cila është regjistruar 6 ballë brenda gjirit të Vlorës dhe era e fortë në drejtimin JUG ka shkaktuar forcën e dallgëve 7 ballë jashtë gjirit të Vlorës.
Këto kushte kanë rikthyer pezullimin e lundrimit të mjeteve të vogla lundruese dhe ato të peshkimit teksa anijet e vogla të peshkimit janë urdhëruar të ankorohen në breg të detit.
Prej disa ditësh në vendin tonë kanë filluar reshjet e shiut dhe të borës në disa zona malore.
Kushtet e rënduara hidrometeorologjike në Portin e Vlorës vështirësojnë lundrimin detar.
Era e fuqishme ka rritur ndjeshëm forcën e dallgëve e cila është regjistruar 6 ballë brenda gjirit të Vlorës dhe era e fortë në drejtimin JUG ka shkaktuar forcën e dallgëve 7 ballë jashtë gjirit të Vlorës. Këto kushte kanë rikthyer pezullimin e lundrimit të mjeteve të vogla lundruese dhe ato të peshkimit teksa anijet e vogla të peshkimit janë urdhëruar të ankorohen në breg të detit.
Ndërkohë nuk ka lëvizje të trageteve pasi e kanë ditë pushimi sipas kontratës që kanë me portin detar Sh.a Vlore. Ndaj dhe trageti i linjës me Brindisin ditën e sotme është në radhë. Sipas kapitenerisë së Portit Detar përmiresimi i kushteve hidrometeorologjike pritet të jetë në datën 10.12.2020 mbas orës 02:00.
