Si pasojë e motit të keq, është rënduar situata ne qarkun e Shkodrës. Administratori i Njësisë Ana e Malit, Arben Ceni ka folur për situatën në Obot. Situata e përmbytjeve është vështirësuar, moti i keq nuk lejon lëvizjen e mjeteve lundruese. Ceni e ka cilësuar vizitën e ministres Xhaçka dhe Bushati si një show politik. Ai thotë që banorët kanë 3 ditë që janë braktisur dhe lëvizja e tyre nuk bëhet as me mjete lundruese pasi duhen varka më të larta.
Ceni i ka cilësuar postimet e kryeministrit Rama në Facebook si qesharake.
“Shkodra një Katalonjë, kemi resurse mjaftueshëm, Rama të merret me Osumin e Vjosën, Edi Rama se nese e ka braktisur qytetin e Shkodrës, ne si banorë të marrim autonominë.”,
Arben Ceni, administratori i Njësisë Ana e Malit.
Ndërkohë ministrja e Mbrojtjes Olta Xhaçka së bashku me ministrin Ditmir Bushati kanë shkuar në zonën e Dajçit. Janë takuar me deputetin e partisë Demokratike Romeo Gurakuqi.
Gurakuqi ka kërkuar prezencë të shtetit në zonat e përmbytura dhe sigurimin e bazës ushqimore.
Ministri Bushati dhe ministrja Xhaçka kanë deklaruar se të gjtha strukturat e shtetit janë në gadishmëri për të përballuar situatën.