Moti i keq me reshje shiu dhe stuhi ka krijuar probleme në dy prej bashkive te qarkut Shkodër, në Pukë dhe Malësi të Madhe.
Sipas të dhënave, në Pukë era e fortë kanë lënë qytetin e Pukës pa energji elektrike. Prej paradites qyteti është furnizuar me energji në intervale të shkurtra kohore. Shkak janë bërë difektet e vazhdueshme ne rrjet.
Ndërkohë pa energji elektrike kanë mbetur edhe shumë fshatra. Raportohet se në qytet ende nuk është identifikuar defekti, ndërsa në fshatra shkak për mungesën e energjisë, janë transformatorët, bashkimi i përcjellësve dhe këputjet e linjave.
Në Malësinë e Madhe, janë raportuar probleme me furniizmin me energji elektrike në disa fshatra, për shkak të problemeve me transformatorët. OSHEE bën me dije se po punon për riparimin e defekteve në zona por kushtet e vështira atmosferike e vështirësojnë nderhyrjen.
B.K/ReportTv.al