TIRANË- Sipas MeteoAlb: Masat ajrore me origjinë Jugore do të diktojnë mot me kthjellime e vranësira të lehta deri në mesditë kur vranësirat bëhen më të dukshme në skajin verior-verilindor duke sjellë ndonjë shi të pakët. Edhe pasditja vijon me kthjellime e vranësira të lehta në Ultësirën Perëndimore ndërsa mbeten të dukshme vranësirat në zonat përgjatë kufirit lindor.
Temperaturat e ajrit do të rriten në mëngjes dhe mesditë duke luhatur vlerat ekstremale ditore nga 8°C deri në 27°C.
Era do fryjë mesatare në tokë dhe e fortë në det me shpejtësi 60-65 km/h kryesisht nga drejtimi Jugor duke krijuar në det dallgëzim 6 ballë.
Rajoni dhe Europa
Alternime kthjellimesh dhe vranësira të lehta dominojnë Brigjet e Egjeut dhe Ishujt Britanike e Gadishullin Iberik. Ndërsa pjesa me e madhe e kontinentit europian do të përfshihet nga një sistem i dendur vranësirash, i cili do të sjelli reshje të pakta shiu.
