Georgi Petkov, portieri i Slavia së Sofies vendosi rekord të ri duke u bërë lojtari më i vjetër që ka luajtur një ndeshje në Superligën bullgare të futbollit. Në moshën 47 vjeç e 27 ditë, veterani e kaloi rekordin e vjetër (46 vjeç), vendosur në ndeshjen kundër Spartak Viarna-s po këtë sezon, ku luajti vetëm një minutë. CSKA e Sofies fitoi këtë fundjavë ndaj Slavisë së Sofies në derbi (0-2), por vëmendja u drejtua te kapiteni i Slavias.
Ndryshe nga sa kishte ndodhur në ndeshjen e fundit të luajtur, bullgari luajti plot 90 minuta, por paraqitja nuk ishte më e mira. Madje portieri përfundoi duke pësuar dy gola, në dy goditjet e vetme në portë të ekipit mik. Futbollisti i njohur si mjeshtri i humbjes së kohës, nuk mundi ta linte ndeshjen pa polemika. Përmes rrjetit social, Duckens Nazon, lojtar i CSKA e ka akuzuar Petkovin për ofendime raciste.
S.DH/ReportTv.al