SARANDË- Klinton Çuçi është arrestuar nga policia e Sarandës, pasi u shpall në kërkim një ditë më parë, ku u arrestuan dy vëllezërit Ogiçi, në banesën e të cilëve u gjetën 5 kallëpe tritoli.
26-vjeçari, dyshohet se në bashkëpunim me vëllezërit Haredin dhe Huso Ogiçi, montonin mina me telekomandë me qëllim shitjen e tyre për grupet kriminale.
Arrestimi i tyre u krye në kuadër të operacioni 'Knock Out 5' në Sarandë. Një ditë më parë në banesën e dy vëllezërve, u gjetën dhe u sekuestruan 5 kallëpe tritoli (2 prej tyre të programuara për shpërthim në distancë), 7 kapsolla detonatore, 3 krehra dhe municion luftarak.
Operacioni i koduar 'Knock Out 5' vjen pas operacionit të zhvilluar në Vlorë ditë më parë, ku u arrestua Gjergji Dervishaj pasi në objektin që kishte në pronësi të cilin e përdorte për shitjen e rrobave, u gjetën mina me telekomandë, armë kallashnikov dhe municion luftarak të cilat iu sekuestruan në cilësinë e provës materiale.
M.Q./ReportTv.al
