Mjeku i qendrës shëndetësore Dhivir në Finiq, Ilir Gazeli, u nis normalisht për në punë, si çdo ditë për ti dhënë ndihmë pacientëve të tij, por jo çdo gjë shkoi siç duhej. Një atak kardiak në zemër, i mori jetën.
Për qytetarët që janë kuruar nga 66 vjeçari, kjo ngjarje është e pabesueshme. Ata e përshkruajnë mjekun, jo vetëm si profesionist, por edhe një njeri me zemër të madhe.
“Doktori ishte njeri më i mirë. Leje që ishte doktor i mirë, por edhe si njeri. Na u duk e pa besueshme ajo që ndodhi”, tha një banor.
“Ishte një njeri shumë i mirë. Natë e ditë punonte. Ka ikur shumë shpejt”, u shpreh një pacient.
“Ishte inteligjent, dashur, ju shërbente njerëzve në mënyrë të shkëlqyer”, tregoi një tjetër.
“Shumë doktor i mirë, i sjellshëm, i kulturuar. Ç’të të them më?”, tha një tjetër.
Edhe pse kishte arritur moshën për të dalë në pension, Gazeli vijonte punën në shërbim të qytetarëve, për shkak të mungesës së mjekëve specialistë.
//ReportTv.al