Mjeku i njohur infeksionit, Tritan Kalo përmes një postim në rrjetin e tij social Facebook ka publikuar imazhe të mushkërive të dëmtuara, nga COVID-19 të disa personave në moshë të re, të cilët nuk arritën të fitonin luftën me virusin.
Ai gjatë postimin shkruan se gjatë fillimi të pandemisë është menduar se COVID-19 mund të prekte vetëm moshat mbi 60 vjeç, por ecuria e saj ka treguar se kushdo mund të rrezikohet.
Ai tha se edhe përse vaksinimi anti-COVID ka filluar në vend, njerëzit duhet të ndërgjegjësohen se dita që e gjithë popullata do të jetë vaksinuar nuk është afër.
Kalo ka ngritur apel ndaj organeve ekzekutive dhe ligjzbatuese të mos tregohen aspak tolerantë ndaj çdo personi që shkel masat anti-COVID, duke shtuar se fushata elektorale për zgjedhjet parlamentare nuk duhet të zbehë punën dhe përpjekjet me përballimin e COVID-19.
“JU DUAM dhe jo pak po rrezikojmë edhe jetët tona në vijën në parë, që me Punën, Përkushtimin dhe Profesionalizmin tonë të mundet në MIRËBESIM dhe MIRËKUPTIM, të ngadhnjejmë në këtë “luftë me armikun e padukshëm”….Together forever!!!”, shkruan infeksionisti në fund.
J.GJ.//ReportTv.al
