Janë zhvilluar ditën e djeshme disa sfida miqësore, të ekipeve kombëtare.
Hollanda e Ronald Koeman mposhti 4-0 skuadrën e Skocisë në ‘Johan Cruyff’ arena në Amsterdam.
Njeriu i ndeshjes për tulipanët ishte Tijani Reijnders, mesfushori i Milanit që hapi edhe serinë e golave në fund të pjesës së parë në minutën e 40’.
Në pjesën e dytë, i rikthyeri në kombëtare Georginio Wijnaldum shënoi të dytin në të 72-ën. Fundi i lojës ishte dhe momenti i dy sulmuesve të futur si zëvëndësues, Weghorst dhe Malen që shënuan të tretin dhe të katërtin, duke vulosur fitoren e Hollandës.
Ndërkohë një sfidë tjetër miqësore u zhvillua në Londër, teksa Spanja u mposht 1-0 nga Kolumbia. Eksperimentet e teknikut Fuentes nuk funksionuan, teksa Munoz shënoi golin e vetëm të takimit në minutën e 61’ duke i dhënë fitoren Kolumbisë.
Hungaria mposhti 1-0 Turqinë me golin e mesfushorit të Liverpool Szoboszlai në të 48-ën.
Ndërsa mbrëmjen e sotme do të ketë dy miqësore mjaft të forta. Anglia do të pres Brazilin, ndërsa Franca do të ndeshet me Gjermaninë.
G.K//ReportTv.al