Ministrja për Evropën dhe Punët e Jashtme, Olta Xhaçka, mori pjesë në eventin ministror të grupit bërthamë LGBTI të Kombeve të Bashkuara “E drejta për të qenë unë”.
Në takimin ku ishte i pranishëm edhe Sekretari i Shtetit, Antony Blinken, ministrja Xhaçka theksoi se Shqipëria qëndron për pjesëmarrje të plotë, të barabartë dhe kuptimplotë të komunitetit LGBTI në të gjitha sferat e jetës publike dhe institucionale.
Sipas saj, Shqipëria mbetet e përkushtuar dhe e vendosur për ta çuar përpara këtë axhendë si çështje prioritare edhe në Kombet e Bashkuara.
Grupi Bërthamë LGBTI i Kombeve të Bashkuara është një grup joformal ndër-rajonal i Shteteve Anëtare të Kombeve të Bashkuara i themeluar në vitin 2008. Qëllimi kryesor i këtij grupi është të punojë brenda kornizës së OKB për të garantuar respektimin universal për të drejtat e njeriut dhe liritë themelore për të gjithë, veçanërisht për komunitetin LGBTI, me një fokus të veçantë në mbrojtjen nga dhuna dhe diskriminimi.
Ministrja Xhaçka, e cila ndodhet në New York në kuadër të Asamblesë së Përgjithshme të OKB-së, përmes një postimi në Facebook theksoi bashkëpunimin e Shqipërisë me ndërkombëtarët për zgjdhjen e krizave globale.
“Java më e ngarkuar diplomatike e vitit filloi sot në Sesionin e 77-të të Asamblesë së Përgjithshme të Organizatës së Kombeve të Bashkuara. Shqipëria do të vazhdojë të punojë me partnerët ndërkombëtarë për të ndihmuar në zgjidhjen e krizave globale, për të mbështetur Ukrainën dhe për të mbrojtur lirinë dhe demokracinë në botë”, u shpreh Xhaçka.
Komente
Vetem kete problem kemi ne ne shqiperite rehatojem LGBTI
PërgjigjuUSA legalizoi martesat gay ne 2015. Ne vetem 7 vjet kaluan nga "Cfare te duhet se c'bejne ne dhomat e tyre te gjumit?" ne tekstet shkollore me permbajtje eksplicite pornografike ne klasat e katerta (!). Fitueset e garave te notit per femra jane trans, burrat me makeup grash (drag queens) bejne kercime erotike perpara "gjithe familjes", dhe po ngrihet zeri gjithmone e me shume per normalizimin e pedofilise. E ardhme e ndritur na pret duke u lepire pas degjenerimit te perendimit.
Përgjigju