Ministrja për Evropën dhe Punët e Jashtme, Olta Xhaçka është paraqitur sërish në SPAK mëngjesin e ditës së sotme. Kjo është hera e dytë që Xhaçka paraqitet në Prokurorinë e Posaçme.
Sot Xhaçka është thirrur për t'u pyetur si person që ka dijeni për ngjarjen për 2 dy kallëzimet e ish zëvendës komandantit të flotës detare Artur Meçollari, për portin e Limionit dhe Shëngjinit. Bardhyl Kollçaku ish shef shtabi i Forcave të Armatosura ka dhënë deklarime më herët si dhe ka bërë ballafiqim me Meçollarin.
Prokurorja Kajana i ka në duar të dy çështjet, Limionin dhe Shëngjinin të cilat janë bashkuar në një dosje, ndërsa verifikimet hetimore për përdorimin e resurseve të ushtrisë po bëhen veçmas.
Në deklaratën që Xhaçka dha për mediat në 13 mars, teksa u pyet për paditë e depozituara nga ish komandanti i flotës detare, tha se nuk ka pasur asnjë shkelje ligjore dhe se baza detare në Sarandë do bëhet akoma moderne.
B.V/ReportTv.al