Deputeti i Partisë Demokratike, Gazment Bardhi ka reaguar lidhur me lajmin se shumë shpejt pritet që Bord ii Transparencës për çmimin e karburanteve të shkrihet. Nëpërmjet një postimi në rrjetin social, facebook, Bardhi shkruan se ky vendim vinte vetëm pak ditë para se të shpallej vendimi i gjykatës Kushtetuese e cila sipas tij, pritet të shpallë Bordin e Transparencës si anti-kushtetues.
“Bordi i Oligarkëve prej 1 viti vjedh hapur shqiptarët me abuzimet me çmimin e karburanteve. Paralajmërimi i Ministres së Financave për shfuqizimin e tij, vjen vetëm disa ditë përpara se Gjykata Kushtetuese të marrë në shqyrtim kërkesën e Grupit Parlamentar të PD për ta shpallur antikushtetues”- shkruan Bardhi.
Ai tha se kjo është prova që sipas tij, vërteton se Bordi është ngritur nga kryeministri, Edi Rama për të siguruar të ardhura shtesë për ata që Bardhi i quan ‘oligarkët e karburantëve’.
“Kjo është prova më e qartë që Edi Rama, në mënyrë antikushtetuese, ngriti një Bord për të vjedhur hapur shqiptarët, duke u siguruar të ardhura shtesë dhe abuzive për oligarkët e karburantëve për plot 1 vit. Me apo pa vullnetin e Edi Ramës, Bordi i Oligarkëve do të bie sepse është antikushtetues. Krenar për çdo koleg të Grupit Parlamnetar që pranojë të firmos kundër Bordit të Oligarkëve”- shton deputeti i PD.
Burime nga ministria e Financave pohuan për Report TV ditë më parë se shumë shpejt pritet të kishte një shkrijre të Bordit të Transparencës për çmimin e karburanteve. Ndërsa vendimi është konfirmuar ditën e sotme nga ministrja e Ekonomisë dhe Financave, Delina Ibrahimaj e cila tha se së shpejti, Bord ii Transparencës do të shfuqizohet.
Komente
O Gazi i botes! E bere zamzallen copA. Thirri mendjes
PërgjigjuOu?
Përgjigju