BRITANI E MADHE- Ministri britanik i Shëndetësisë Matt Hancock tha se vaksina AstraZeneca kundër COVID-19 është e sigurt.
“Ne mbajmë nën kontroll efektet e vaksinave anti-COVID dhe aktualisht AstraZeneca po shpëton jetë. Pra nëse ju telefonojnë për të marrë dozën, duhet të shkoni.”, tha ministri i shëndetësisë.
Lidhur me pyetjen nëse ka persona që refuzojnë të marrin dozën, ai tha se numri i të vaksinuarve ditën e djeshme ishte ndër më të lartit ndonjëherë.
Reagimi i ministrit Hancock erdhi pas pezullimit të AstraZeneca nga disa shtete.
Gjatë ditës së djeshme është zhvilluar një takim për shqyrtimin e efekteve anësore të AstraZeneca, mes Agjencisë Evropiane të Barnave dhe Organizatës Botërore të Shëndetësisë.
OBSH pas takimit, i ka bërë apel shteteve të vazhdojnë urgjentisht përdorimin e vaksinës pasi ajo është e sigurt.
Ndërsa EMA tha se benefitet e AstraZeneca janë më të mëdha se rreziku për efekte anësore.
Lidhur me pezullimin e AstraZeneca në disa vende, ka reaguar edhe kompania farmaceutike e cila ka thënë se nuk ka asnjë lidhje, midis rasteve të mpiksjes së gjakut dhe vaksinës, pasi ajo është e sigurt.
J.GJ./ReportTv.al