Dy shqiptarë të moshës 36 dhe 46 vjeç janë arrestuar në Milano nga policia, pasi në garazhin e tyre u gjetën 5.2 kilogramë heroinë.
Droga në pako ishin mbuluar brenda pakove me proshutë kalabreze të mbyllura në qese me vakum.
Pas zbulimit të heroinës, policia kontrolloi shtëpinë e të dyve dhe gjeti kartëmonedha në total 70 mijë euro. Të dy janë vënë në pranga me akuzën e posedimit me qëllim shitjen së drogës.
Dy të dyshuarit u identifikuan në një makinë në zonën Piazzale Istria nga grupi hetimor i stacionit policor Garibaldi Venezia.
Policët i kanë ndjekur dhe 36-vjeçari është drejtuar me makinë drejt një garazhi në Via Benefattori dell'Ospedale, ku sapo ka vënë re praninë e efektivëve ka tentuar të mbyllë qepenin. Brenda u gjetën pakot e drogës.
M.Q./ReportTv.al