Ekipet e kërkim shpëtimit në Miami Florida kanë përfunduar misionin e tyre në ndërtesën 12 katëshe të shembur një muaj më parë.
Nën rrënojat e ndërtesës janë gjetur trupat e 97 viktimave, megjithatë trupi i një viktime ka ngelur e pagjetur ende.
Eshtrat e 54-vjeçares Estelle Hedaya nuk janë gjetur ende dhe familja e saj thotë se përfundimi zyrtar i kërkimit i ka lënë ata të pafuqishëm dhe të shqetësuar se ajo do të harrohet.
Ndërtesa 12-katëshe Champlain Towers South ra në orët e para të 24 qershorit. Askush nuk është nxjerrë i gjallë nga rrënojat që nga orët e para pas katastrofës dhe zyrtarët kaluan nga një mision kërkim-shpëtimi në një përpjekje rikuperimi në 7 korrik.
Stuhitë tropikale dhe rrënojat e bënë më të vështirë punën e ekipeve të shpëtimit. Zona e Surfside është pastruar në pjesën më të madhe të saj dhe rrënojat janë zhvendosur në një depo shtetërore për inspektim të mëtejshëm.
Ende nuk dihet se çfarë e shkaktoi shembjen e papritur të ndërtesës por një raport i vitit 2018 kishte zbuluar se ajo kishte probleme strukturore. Tragjedia ka bërë që autoritetet të kontrollojnë blloqet e strehimit nëpër Floridan jugore për çështje të ngjashme.
