Presidenti Ilir Meta ka qenë i pranishëm në Mëngjesin e Lutjeve në Uashington D.C., ku ka mundur të 'vjedh' edhe një foto me sekretarin e Shtetit, Mike Pompeo. Duke shpërndarë fotot në Facebook me Pompeon, Meta vlerëson rolin dhe investimin që SHBA i kushton lirisë fetare në botë, ndërsa shprehet krenar për modelin shqiptar lidhur me harmoninë fetare.
' Kënaqësi të ndiqnim së bashku me Sekretarin Amerikan të Shtetit, Michael Pompeo, fjalën e Presidentit të SHBA, Donald Trump në Mëngjesin e Lutjeve në Uashington D.C. Edhe unë bashkohem me vlerësimet më të mira që bëri Presidenti Trump për rolin e veçantë të Sekretarit Pompeo dhe Ambasadorit të posaçëm Sam Broënback për Aleancën Ndërkombëtare për Mbrojtjen dhe Avancimin e Lirive Fetare. Krenar për modelin tonë të shkëlqyer të harmonisë fetare dhe mbështetjes që i japim lirisë së besimit kudo në botë. Zoti e bekoftë miqësinë shqiptaro-amerikane!' shkruan Meta.
Gjatë qëndrimit të tij në Amerikë, Meta u takua edhe me senatorin Republikan Ron Johnson, kryetar i Komisionit për Sigurinë Kombëtare dhe i Nën-Komisionit për Europën.
Siç njofton presidenca, gjatë takimit, Meta theksoi se “SHBA janë partneri strategjik, i pazëvendësueshëm i Shqipërisë dhe shqiptarëve. Shqipëria beson në angazhimin e domosdoshëm të SHBA në Ballkanin Perëndimor, si faktor kyç për paqen, sigurinë, stabilitetin dhe konsolidimin e demokracisë dhe të shtetit ligjor. Marrëveshja përfundimtare ndërmjet Kosovës dhe Serbisë duhet të prodhojë paqe, stabilitet dhe siguri afatgjatë në rajon duke pasur SHBA-në dhe BE-në si garantues. Shqipëria mbetet e vendosur në angazhimet e saj përkrah SHBA dhe NATO-s në luftën kundër terrorizmit ndërkombëtar dhe çdo akti që vë në rrezik stabilitetin dhe paqen në botë”, tha Meta.
Ilir Meta dhe Ron Johnson
G.M.//ReportTv.alKomente
Kokelopa e Skraparit e kishte bllokun me vete mo?
PërgjigjuFeja e shqiptarit eshte shqiptaria...
Përgjigju