GJILAN- Presidenti Ilir Meta ishte sot në Gjilan ku vizitoi familjen e vëllezërve Isa dhe Shemsedin Abazi të cilët humbën jetën pas tërmetit të 26 Nëntorit, pas shembjes së hotel Tropikal.
Pasi u takua me anëtarët dhe të afërmit e familjes Abazi, Presidenti i Republikës u shpreh: Nuk mund të mos vija sot në Gjilan për të ndarë dhimbjen me familjen Abazi, për humbjen e pazëvendësueshme dhe të pangushëllueshme të dy njerëzve të tyre mjaft të dashur, pjesë e të gjitha atyre humbjeve tragjuke njerëzore që pësuam me tërmetin e 26 nëntorit në Shqipëri.
Me këtë ndjenjë solidariteti që ekziston mes dy vendeve tona, që është një ndjenjë tepër vëllazërore dhe njerëzore, dhimbja do të jetë më e lehtë dhe kjo familje do të ketë mundësi për ta përballuar atë me mbështetjen e të gjithë komunitetit, e veçanërisht të të gjithëve ne në Shqipëri dhe Kosovë, në mënyrë që të gjithë ata që humbën të afërmit e tyre, të ndiejnë mbështetjen dhe kujdesin tonë, për një të ardhme më të mirë.
Ngushëllime edhe të gjithë komunitetit të mrekullueshëm të Gjilanit për këtë humbje të dy qytetarëve të nderuar!”
//ReportTv.al
Asnje grua ne pritje - vetem burra. Si shtohen keta ??????
Përgjigju