Kryetari i Partisë së Lirisë Ilir Meta ka prezantuar sot 5 prioritet kryesore të Partisë së Lirisë për 10 vitet e ardhshme dhe objektivin madhor për 20 vitet e ardhshme.
Një nga objektivat sipas Metës, për Partinë e Lirisë do të jetë që në 20 vitet e ardhshme, Shqipëria të ketë mbi 4 milion banorë rezidentë shqiptarë, që të jenë të lumtur e krenarë të jetojnë e të jenë të mirëqenë në vendin e tyre.
‘Pra projekti aktual i “Rilindjes” dhe shpopullimit është që në vitin 2100, Shqipëria të ngelet me 1 milion banorë. Projekti i Partisë së Lirisë është në 20 vitet e ardhshme Shqipëria të ketë mbi 4 milion qytetarë shqiptarë që jetojnë në vendin e tyre.’- tha Meta.
Meta u shpreh se “duhet të rithemelohemi si PL për 10 vitet që vijnë dhe 20 vitet që vijnë, duke nxjerrë mësime nga 20 vitet që nga krijimi i ish LSI dhe duke u ndarë përgjithmonë edhe në mënyrë statutore nga nepotizmi dhe kultura e krahinalizimit. Në mënyrë që të japim një shembull si do ndërtohet nesër administrata shtetërore. Ku do ti gjejmë paratë? Paratë janë, por vidhen”.
Deklarata e plotë e Ilir Metës
Kryetari i Partisë së Lirisë, Ilir Meta prezanton 5 prioritetet kryesore të Partisë së Lirisë për 10 vitet e ardhshme dhe objektivin madhor për 20 vitet e ardhshme
Krahas objektivave madhore që ka Partia e Lirise sipas programit të miratuar ne Konventën themeluese:
1. Forcimin e lirive politike, ekonomike, dhe të drejtave të qytetarëve, kthimin e vendit në normalitet demokratik ku vullneti i qytetarëve zgjedh qeverisjen dhe imponon llogaridhënien e saj, duke zbatuar referendumin si formë të demokracisë direkte dhe si garantor se vullneti i qytetarëve nuk mund të merret peng nga keq-qeverisja.
2.Transformimin e qeverisjes në shërbëtore të qytetarëve dhe jo të krimit dhe të oligarkëve, duke vënë individin dhe familjen e tij si përfitues kryesor të zhvillimit dhe rritjes ekonomike.
3. Transformimin e sistemit arsimor duke synuar formimin e qytetarëve që ruajnë dhe fuqizojnë demokracinë, ekonominë e tregut të lirë dhe të drejtat e liritë, që e duan Atdheun e shqiptarinë dhe që janë krenarë për përkatësinë e tyre mes kombeve të tjera evropiane.
4. Çlirimin e ekonomisë nga korrupsioni, nga monopolet dhe interesat klienteliste për biznes dhe investime, duke garantuar rritjen e punësimit dhe të pagave si dhe paga dinjitoze për këdo që punon ndershmërisht.
5. Mbështetje reale për shtresat në nevojë, duke rivleresuar të ardhurat jetike dhe duke i mbrojtur këto shtresa nga efektet e inflacionit, të rritjes së çmimeve, si dhe nga risku i mënjanimit nga shërbimet jetike publike si arsimimi dhe shërbimi shëndetësor.
6. Ndalimi i shpopullimit të vendit dhe krijimin e besimit tek çdo shqiptar, veçanërisht tek të rinjtë, se Shqipëria është vend i bekuar nga Zoti, ku ata janë zotër dhe kanë mundësi të ndërtojnë jetën e tyre dhe familjeve të tyre në siguri, liri e prosperitet duke u mbështetur nga shteti. Shqipëria u përket të rinjve dhe ka diell për të gjithë!
Partia e Lirisë do të përqëndrojë veprimtarinë e saj për të realizuar këto prioritete qe synojne nje Shqipëri evropiane e me standarte te larta jetese.
Projekti dhe objektivi madhor i Partisë së Lirisë është që në 20 vitet e ardhshme, Shqipëria të ketë mbi 4 milion banorë rezidentë shqiptarë, që të jenë të lumtur e krenarë të jetojnë e të jenë të mirëqenë në vendin e tyre.
Pra projekti aktual i “Rilindjes” dhe shpopullimit është që në vitin 2100, Shqipëria të ngelet me 1 milion banorë.
Projekti i Partisë së Lirisë është në 20 vitet e ardhshme Shqipëria të ketë mbi 4 milion qytetarë shqiptarë që jetojnë në vendin e tyre.
Për ketë, ne projektin e Partise se Lirise, do te realizojmë:
Ndalimin e menjehershem te shpopullimit,
Gjenerimin e rritjes me te larte ekonomike, përmiresimin e jeteses dhe uljen e kostes se saj, paga me te larta, me mundesi strehimi e krijimi familjeje, si dhe me cilesi me te larte te sherbimeve publike te arsimit dhe shendetit publik.
Për këtë, 5 prioritetet tona dhe masat konkrete do të jenë:
1. Ndalimi i shpopullimit,
a. Mbështetje e lindshmërise me pagesa direkte me rritje progresive per cdo femije te lindur, subsencionim i ushqimit dhe veshtjeve te domosdoshme te bebeve.
b. Krijimi i fondit te strehimit per familjet e reja (ne apartamentet e fondit te familjeve (blerje me kosto e apartamenteve te pashitura), mbeshtetje direkte per blerje apartamentesh dhe subvensionim i kredive.
2. Rritja e pensioneve mbi nivelin e mesatares së rajonit brenda një mandati qeverisës.
a. Pagese e kompensimit te padhene si rezultat i mos-indeksimit, indeksim te vazhdueshem vjetor.
b. Dyfishim të pensioneve
c. Dyfishim të pagave të mësuesve dhe mjekëve
d. Nivel pagash mbi mesataren e rajonit.
3. Arsimi dhe investimi tek kapitali njerëzor
Dyfishim i buxhetit per arsimin, kerkimin shkencor dhe inovacionin. Niveli i buxhetimit per arsimin dhe inovacionin do te jete mbi mesataren e vendeve te BE.
4. Bujqësia dhe ushqimi. Ulja e kostos së jetesës
Rritje e prodhimit bujqësor dhe agroperpunimit vendas, ulje e kostos se ushqimeve, mbeshtetja e blegtorise me pagesa direkte për krerë dhe njësi prodhimi, për të katërfishuar numrin e krerëve dhe prodhimin vendas. Subvencionim i plote i agroperpunimit. Garantim i sigurise ushqimore
5. Shqipëria, fuqi eksportuese.
a. Mbështetje e aktiviteteve prodhuese dhe eksportuese, me mbeshtetje ne infrastrukture (toka, rrjeter inxhinjerike, rruge), kualifikim te fuqise punetore, perjashtim te mjeteve te prodhimit nga detyrimet fiskale.
b. Ulja e kostos se energjise (te karburanteve me mbi 20 %, ulje e cmimit te energjise elektrike per konsum familjar). Liberalizim dhe subvencionim per energjine diellore per konsum familjar
c. Mbledhja e rentes nga minierat, nga perdorimi i burimeve natyrore dhe perdorimi i natyres per qellime biznesi, dhe perdorimi i saj per fondin e pagave dhe pensioneve.
d. Mbeshtetje e aktiviteteve prodhuese, ne fushen e IT dhe inovacionit. 10000 Euro per start-upet dhe tax-free per 5 vite.
e. Perdorimi i parave te konfiskuara nga informaliteti, korrupsioni, aktivitetet e jashteligjshme si dhe incerenatoret dhe gjithe kontratat pa te mira publike per fondin e pagave dhe pensioneve.
M.Q./ReportTv.alKomente
Jo perralla,por budallalleqe! Si do t'i rrise pagat e pensionet? Vetem me dy menyra rriten ,nga taksat dhe shitjet e eksportet dhe sherbimet.Cfare prodhon ky qe te shese e te eksportoje?Cfare taksash do te vere,sa dhe kujt, qe te nxjerre rrogat e pensionet,per te mos folur per investimet qe i duhen nje shteti? Mendon per bebet sikur do te mbeten bebe tere jeten! Bebet nje dite do te rriten e do te kthehen ne vajza e djem,burra e gra,ka menduar per keto grup mosha?! Asnje fjale per industrine.Flet per eksporte,por cfare do eksportojme,tranguj e patate,me keto do te sjellim begatine?! Duke mos humbur kohe me budallalleqet e tjera,po e mbyllim me qershine mbi torte:/...perdorimi i natyres per qellime biznesi dhe perdorimi i saj per fondin e pagave e pensioneve/!! Ndersa bota flet per mbrojtjen dhe konservimin e natyres,Meta po mendon te perdore ate dhe burimet natyrore,dhe ketu nuk eshte fjala vetem per mineralet e naften,por shume me gjere,per pensione e rroga.Lamtumire zona te mbrojtura,lumenj e liqene,parqe e pyje,ju gjet dhe juve /ustai/,se keta qe ju shkaterruan deri tani nuk mjaftonin!!
PërgjigjuKu ishe deri me sote z.Meta? Nuk bere dote rrugen Berat Skrapar per 20 vite, apo do te vesh ne pune floririn!
PërgjigjuPërralla me lugën bosh
Përgjigju