TIRANË - Kryeministri Edi Rama e quan letrën që Presidenti Ilir Meta i çoi komisionerit për Zgjerimin, një 'reaksion' ndaj efekteve që reforma në drejtësi po shkakton. Kreu i qeverisë thotë se për herë të parë Brukseli është pro Shqipërisë si vend kandidat për hapjen e negociatave për anëtarësim në Bashkimin Evropian, por se po për herë të parë në histori, kundër është shfaqur vetë presidenti i Shqipërisë. Në mesin e kësaj fushatë kundër Shqipërisë, Rama thotë se vendi ynë edhe mund të mos e marrë PO-në për të nisur procesin e negociatave, edhe pse e meriton këtë, siç ai thekson, por shton se reforma në drejtësi do të vijojë, pavarësisht 'krizave të provokuara'.
"Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit.
Sa nisi terapia intensive e Reformës në Drejtësi Shqipëria nisi dhe reaksioni me temperatura të larta në organizmin e shtetit të sëmurë prej kancerit të korrupsionit! Përpëlitjet e ethshme me bojkote, molotovë, dekrete janë thjesht pasoja të intensitetit të terapisë mbi kancerin.
Shqipëria mund ta marrë mund të mos e marrë PO-në që meriton nga Këshilli Europian, po ama kurimi deri në fund i sëmundjes dërrmuese që i ka ngrënë trupin e shpirtin prej 30 vjetësh, as mund dhe as do ndalet dot me kriza të turpshme të provokuara nga terapia e Reformës në Drejtësi!", shkruan Rama në Twitter.
Një ditë pasi Komisioni Europian rekomandoi çeljen e negociatave me BE, presidenti Ilir Meta i dërgoi një letër komisionerit për Zgjerimin, Oliver Varhelyi ku shprehet se nuk është dakord me një nga faktet e shkruara në raport, lidhur "mosmarrëveshjen mes palëve për Gjykatën Kushtetuese për shkak të një interpretimi të ndryshëm të procedurës së emërimit nga Presidenti i Republikës". Në letrën e tij, që mban datën 3 mars, kreu i shteti shkruan se është dakord që ka një mosmarrëveshje, por kjo jo për "faj të tij, por të mazhorancës, sipas së cilit ka qëllim që të kap Gjykatën Kushtetutese.
G.M./ReportTv.alKomente
Po mire mo Like Floririi le ta kape Rama Gjykaten Kushtetuese po ti o derdimen eja kape kete timen se i ke harruar dhe eren
Përgjigju