Ish-kandidati për kryetar të bashkisë së Kuçovës, Lefter Maliqi, i cili garoi për këtë bashki nën logon e koalicionit “Bashkë Fitojmë”, i është bashkuar Partisë së Lirisë.
Ishte vetë kryetari i kësaj partie, Ilir Meta, i cili gjatë mbledhjes Komitetit Drejtues Kombëtar të PL-së, propozoi anëtarësimin e Maliqit në Kryesinë e e kësaj partie.
Sipas Metës, anëtarësimi i Maliqit në PL është një përforcim i veprimtarisë së kësaj partie për të arritur të objektivat politikë.
“Më lejoni të bëj një propozim për të shtuar energjitë e Kryesisë së Partisë së Lirisë.
Edhe pse nuk është në rendin e ditës, kisha idenë që Lefter Maliqin, si një tribun i vërtetë popullor, ta bënim pjesë në Kryesinë e Partisë së Lirisë, pasi ai jo vetëm e ka fituar bashkinë e Kuçovës, por me energjinë e opozitarizimit të tij, ndriçon dhe përtej Kuçovës.
Jeni dakord? Po! E dija unë që nuk do të kishte asnjë kundërshtim”,- tha Meta.
Lajmi kryesor:
Meta sulmon drejtësinë: Bën goditje me regji, Kuvendi i rrëmbyer nga qeveria! Për zgjedhjet e 2025 duhet kryeministër me mbështetje brenda e jashtë politikës
K.M//ReportTv.al