Kreu i Shtetit, Ilir Meta ka theksuar rëndësinë e bashkëpunimit dhe forcimit të partneritetit me SHBA për ruajtjen e paqes dhe forcimin e vlerave demokratike në rajonin e Ballkanit. Gjatë vizitës në SHBA, presidenti është takuar me Kongresmenin Republikan për Politikën e Jashtme, Michael McCaul, ku u vlerësua si prioritet i marrëdhënieve dy palëshe, luftimi i terrorizimit dhe ekstremizmit të dhunshëm.
'Mbështetja bipartizane në Kongresin Amerikan mbetet kyç për forcimin e partneritetit tonë strategjik dhe konsolidimin e arritjeve pozitive në rajon, si pjesë e hapësirës dhe vlerave euroatlantike. Lufta kundër terrorizmit dhe ekstremizmit të dhunshëm, një prioritet absolut', është shprehur Meta gjatë takimit, citohet në njoftimin e Presidencës.
Meta gjithashtu ka njohur Kongresmenin McCaul me zhvillimet e fundit në Shqipëri, si dhe ka kërkuar rritje 'të bashkëpunimit ekonomik dhe investimeve amerikane në vendin tonë dhe rajon'.
Komente
C' lidhje kane republikanet me kete plehren me emer meta...nuk e kuptoj....
Përgjigju