TIRANË- Presidenti Ilir Meta ka nderuar ditën e sotme me Dekoratën e lartë “Nderi i Kombit” Prof.Dr. Panajot Bogën. Gjatë fjalës së tij, kreu i shtetit ka vlerësuar maksimalisht kontributin e dhënë nga profesor Boga në fushën e Ortopedisë dhe Traumatologjisë shqiptare.
"Kënaqësi e veçantë të vlerësoja me Dekoratën e lartë “Nderi i Kombit” një prej kolosëve të mjekësisë sonë, Prof.Dr. Panajot Bogën, emblemën e Ortopedisë dhe Traumatologjisë shqiptare, kirurg dhe shkencëtar i përmasave europiane.
Duke lënë pas një trashëgimi të vyer dhe të respektuar nga të gjithë, Prof.Dr. Boga është një shembull frymëzimi për bashkëpunëtorët dhe kolegët e tij, veçanërisht për gjeneratat e reja të mjekëve shqiptarë, si modeli i kirurgut unikal, i cili punoi deri në moshën 87-vjeçare, me përkushtim dhe humanizëm të rrallë në shërbim të njerëzve në nevojë", tha Meta.
Ortopedi i njohur Panajot Boga u nda nga jeta në moshën 88-vjeçare në 7 qershor të këtij viti. Titulli u mor nga bashkëshortja e tij.
B.K./ReportTv.alKomente
Metmut hajdut.
Përgjigju