TIRANË - Duke mos thënë asnjë fjalë për masat e marra sot nga qeveria shqiptare pas 2 rasteve të para të prekura nga koronavirusi, presidenti Ilir Meta solidarizohet me Italinë dhe mbështet autoritetet e shtetit fqinj për masat e marra.
"Presidenti i Republikës së Shqipërisë Ilir Meta i ka dërguar sot një letër Presidentit të Republikës të Italisë Sergio Mattarella, në të cilën shpreh solidaritetin e tij dhe të gjithë popullit shqiptar mbi situatën e krijuar së fundmi në vendin fqinj nga përhapja e virusit COVID-19, si dhe ngushëllimet për humbjet e jetëve nga ky virus.
Presidenti Meta mbështet masat e detyruara të marra me përgjegjësi të lartë shtetërore nga autoritetet Italiane dhe i vlerëson këto masa si mjaft të rëndësishme jo vetëm për Italinë por dhe për të gjithë rajonin.
Duke shprehur bindjen se përpjekjet e autoriteteve italiane për të izoluar këtë epidemi shpejt do të japin rezultate dhe do të kthejnë normalitetin në jetën e italianëve, Presidenti Meta nënvizon se angazhohet për të forcuar bashkëpunimin ndërmjet autoriteteve shëndetësore të të dy vendeve në përballimin e kërcënimit të kësaj epidemie", thuhet në reagimin zyrtar shpërndarë nga presidenca.
Ishte vetë presidenti Ilir Meta që dje i kërkoi qeverisë të aplikojë 'zonën e kuqe' në Shqipëri, që konsiston pikërisht me planin e veprimit që qeveria mori këtë mëngjes duke vendosur një sërë masash kufizuese. Por mesa duket masat e marra, të cilat nuk janë të ngajshme me ato që qeveria italiane ka zbatuar, nuk e kanë kënaqur kreun e shtetit.
G.M./ReportTv.alKomente
Burri me pis i gjith kohrave burre shkerfhate
PërgjigjuD.m. th burre mu...
Po per Moniken ke nonje fjal mo eshte bete nesimore i mzngon vetem patenta e naftes aferim
PërgjigjuMona eshte vetem prona ime
Pse ca prisni nga ky ju
PërgjigjuPo c'merreni ne kete trushplarin,qe vetem shqiptar nuk mund ti thuash,se keta skrapaleshet keshtu jane te bejne komplimenta kur kane interes e je perballe e thone c'a u thot truri ne te kunderten.
Përgjigju