Këngëtarja e njohur shqiptare, Filloreta Raçi ka zgjedhur një mënyrë mjaftë të veçantë për të treguar se së shpejti do të bëhet nënë. Nga skena e “Fest 61” pasi këndoi bashkë me Flori Mumajesin, mes emocioneve tregoi se është në pritje të ëmbël.
“Jam njeriu më i lumtur në botë. Unë po pres një fëmijë! Kënaqësia më e madhe se nuk kam kënduar vetë, kam kënduar me fëmijën tim brenda. Zoti i bekoftë të gjitha mamatë. Jam duke rritur diçka shumë të shenjtë brenda meje, që është më e rëndësishme se çdo gjë tjetër”, tha këngëtarja.
Këngëtarja nga Kosova, Filloreta Raçi duket se është duke shijuar ditët e saj më të lumtura. Disa ditë më parë, Fifi dhe partneri i saj Adis Patushi festuan 1 vjetorin e marrëdhënies së tyre të dashurisë.
S.C/ReportTv.al
Komento
