TIRANË- Botuesi i gazetës TemA, Mero Baze, ka ironizuar listën finale të PD, ndërkohë që në të kanë hyrë gjithë kandidatët që “Komisioni Ruli” i përjashtoi nga mundësia për të qenë kandidatë për deputetë.
Tritan Shehu, Luan Baçi, Ervin Salianji etj, janë kandidatë në vende të sigurta, ndërkohë që Komisioni i kishte përjashtuar.
“Gjithë listën e kandidatëve që ka përjashtuar Komisini Ruli, me sa duket Luli e ka marrë si shenjë që duhen futur në listë dhe në vende të sigurta.
D.m.th Komisionin e paska ngritur për të kuptuar se çfarë nuk duhet të bëj me listat”, shkruan Baze
Pas publikimit të listës, nuk ka asnjë koment nga antarët e Komisionit.
Besnik Mustafaj ka pas deklaruar në fillim të punës se “ne nuk do të lejojmë të përdoremi për fasadë”, shkruan Baze.
Komisioni Ruli u ngrit si një mekanizëm për të spastruar deputetët që nuk meritonin, por në fund PD duket se spastroi vetëm listën e Komisionit Ruli.
B.K./ReportTv.al