Liri Berisha është pak a shumë si Bregoviçi. Nënën e ka serbe nga Beogradi, babain shqiptar të Malit të Zi, burrin shqiptar, kurse dhëndrin boshnjak.
Shqiptarët janë shumë të ndarë rreth kësaj familje. Ka mijëra njerëz që i urrejnë se janë vrarë prej tyre, ose janë rrënuar nga hakmarrje personale, të tjerë që nuk i durojnë dot si njerëz primitivë, dhe natyrisht plot të tjerë që i adhurojnë, si çdo militant.
Por as ata që i duan dhe as ata që i urrejnë, nuk e kanë me origjinën e tyre serbo-boshnjako-malazeze-shqiptare. E kanë me karakterin e tyre dhe më ato çfarë kanë bërë në këtë vend.
Në këtë pikë do të mjaftonte qëndrimi i shqiptarëve ndaj familjes së përzier sllavo- shqiptare të Sali Berishës, për të kuptuar dimensionin tolerant të saj dhe qasjen liberale që kanë ndaj origjinës etnike të një qytetari.
Por e kundërta ndodh me ata vetë. Përshembull Shkëlzen Berisha, njeri me gjyshe serbe të pastër, me gjyshe përzierje shqiptaro- bashnjake te Plaves, me fëmijë motre të përzier shqiptaro- boshnjake, i kompleksuar nga origjina e tij tërësisht jugosllave (dajës së vet i kanë pas thirrë Gim jugosllavi në Tiranë), ka disa ditë që përpiqet në portalin e tij të distancohet nga raca e tij, me një kompleks inferioriteti, që e kanë zakonisht gjithë “nacionalistët” ballkanas, që kanë gjak të përzier.
Rastet e nacionalistëve serbë që bënë maskara në emër të Serbisë mbi popujt e tjerë nga kishin vetë origjinën, janë të shumta. Aty përfshihet dhe Karaxhiçi, që ngjan aq shumë me Sali Berishën jo vetëm nga pamja, Mlladiçi, por dhe vet Millosheviçi. Kompleksi i të të mos qenit etnikisht i pastër, është një kompleks që prodhon krime në Ballkan. Familja Berisha e ka këtë problem.
M’u kujtua kjo sot, ndërsa më treguan një poster që shoqëron një humor kaps, siç mund të bëjnë Berishët humor, ku unë dhe 4 kolegë gazetarë shpalleshim si ideatorë të “Jugosllavisë së re”.
Ishte tipik emri me të cilin është rritur Shkëlzen Berisha, i zoti i portalit në fjalë. Ai është rritur me Jugosllavinë në shtëpi. Gjyshja e tij jugosllave ka qenë dy herë pjesëmarrëse në gjyqet ndaj “grave jugosllave në Tiranë”, më 1953 dhe 1976, natyrisht si dëshmitare, jo si e akuzuar, se ishte në anën e partisë.
Dhe duke u rritur si jugosllav i vogël në një shtëpi ku gjyshja flet serbisht, gjyshi atë boshnjakishten e Martinaj të Malit të Zi, nëna mban edhe emrin Slobodankë, dhe atë shqip Liri, dhe babai i ngjan me Karaxhiçin, komplekset e “aparteid-it” bëjnë punën e vet.
Në gjithë Ballkanin familje të tilla pa atdhe, janë familjet që marrin në dorë flamurin e nacionalizmit, për të fshehur krimet e tyre, dhe atë që u mungon, identiteti i tyre etnik, i cili në të vërtetë nuk është kurrfarë pasurie dhe nëse e ke të pastër ashtu siç nuk është fatkeqësi ta kesh të përzier, si e ka familja Berisha.
E gjithë kjo histori i bën këta të pështirë, pasi pikërisht komplekset e tyre e të mos qenit shqiptar, i nxisin të kalojnë në ekstrem dhe të bëhen qesharakë, duke mohuar origjinën e tyre.
Fatkeqësia e familjes Berisha nuk është se është një familje sllavo- shqiptare, apo më mirë të themi një familje jugosllave në Tiranë. Fatkeqësia e tyre është se janë hajdutë të damkosur, shantazhues të drejtësisë dhe minues të demokracisë në këtë vend.
Ky është i vetmi moment, kur nëse mendoj si nacionalist, duhet të besoj se i kanë bërë gjëmën Shqipërisë për shkak të përzierjes së tyre serbo-boshnjake-malazeze. Por kjo nuk është e vërtetë.
E kanë bërë se janë një familje kriminale. Dhe kriminelët janë njësoj si në Shqipëri, Serbi, Bosnjë apo Mal të Zi. Idiotët po ashtu.
K.T./ReportTv.alKomente
E ktheve mbrapsht tek “fajin e ka saliu”, sepse s’te eci me “fajin e ka albini”? :-) Pyetja eshte o Mero, si ngjitet nje qenie si Sali berisha dhe nje qenie tjeter si Edvin Rama ne qiejt e pushtetit shqiptar? Ky eshte ai gjenocidi qe kemi llafosur ne artikuj te tjere. Si PPSh ashtu dhe PD e PS po vazhdojne ende te kryejne gjenocid ne popullin shqiptar. Kjo eshte edhe frika e madhe serbe o mero, se nuk i rruhet serbise per ato pak meter katrore te Shqiperise. Serbia e ka lepurin ne bark, se historikisht, tek per tek me Shqiptaret, humbin. Dhimbja dhe frika me e madhe serbe esht ekspozimi i doktrines genjeshtare ne te cilen kane te bazuar te gjithe filozofine kombetare. Do e zberthejme genjeshtren serbe dhe te ashtu quajturen lidhje me kosoven, por do e bejme pak pas ditesh. Serbia eshte psikopatisht e fiksuar pas Shqiperise se eshte deshmia e gjalle e dobesise se saj. C’do gje shqiptare e “pervetson” duke e riquajtur serbe. Qe nga qeni i sharrit, me lahuten shqiptare, heronjte e saj dhe se fundmi kostumet popullore. S’e gelltit dot serbia qe gjithmone humb kundra ushtrive Shqipetare dhe pastaj i kthehet si derr popullsise civile dhe te pa armatosur. Kaq ben serbia. Sulmon pambrojturit.
PërgjigjuPo, ashtu sic thua ti eshte, por perseri, si i arrin dhe i mban majat e pushtetit Shqiptar nje qenie e tille sic e cileson ti? Nese eshte i semure, dhe qe eshte teper e veshtire, ne mos e pamundur te kundershtohet, si u lejua dhe si lejohet te qeverise? Une them qe Edit i duhet nje i tille si saliu qe ta fajesoje kur punet nuk i vene mire. Me daljen e saliut nga loja, Edi merr me shume vemendje se i nevojitet dhe i dalin ne pah te metat e qeverisjes se tij. Ja nje pyetje nese mund ti pergjigjesh....Saliu dogji mandatin para ca vitesh. Perse eshte perseri deputet dhe pa asnje pasoje ligjore?
Mero ka te drejte!Saliu si baba beri nje krim qe vetem njerez me shpirt vrasesi mund ta bejne! Futi femijet ne korrupsion! Ky njeri eshte ashtu sic thote artikull shkruesi! E ka patur tere jeten lepurin ne bark se nje dite do ta perbuznin per te kaluaren e tij gjysmake,te pa percaktuar! Por edhe shpirti i kriminelit Sali eshte unikal! Nuk mund te beje nje njeri normal inteligjent krimet e Saliut! Mundesia eshte qe eshte i semure psiqik plus keto qe thote Z. Baze!