54 patenta janë pezulluar si dhe janë vendosur me dhjetëra gjoba këtë fundjavë në Bypass-in e Fierit, një aks problematik sa i përket numrit të madh të aksidenteve të regjistruara në këtë rrugë.
Policia Rrugore bën me dije se gjatë kontrolleve me radar u konstatuan automjete duke lëvizur me shpejtësi nga 142 km/h deri në 181 km/h. 71 shoferë janë gjobitur me vlerë nga 20.000 deri në 40.000 lekë të rinj.
Policia e Shtetit apelon për të gjithë drejtuesit e automjeteve, vendas dhe të huaj, që të zbatojnë me rigorozitet sinjalistikën rrugore, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparatë fotografik.
//ReportTv.al
Komento
