Jo vetëm duke lëvizur me shpejtësi jashtë normave nga 145 km/h deri në 166 km/h, por edhe duke bërë parakalime të gabuara, Policia Rrugore ka vazhduar me ndëshkimin e shumë shoferëve në Rrugën e Kombit që shkelin rregullat e qarkullimit rrugor.
Makina inteligjente dhe radarët automatikë, përgjatë ditës së diel , kanë monitoruar qarkullimin e automjeteve, në aksin rrugor Thumanë – Milot – Rruga e Kombit.
Në Rrugën e Kombit janë pezulluar 82 leje drejtimi dhe si pasojë janë vendosur 123 gjoba , me vlerë 40.000 lekë, për tejkalim të shpejtësisë së lejuar nga 145 km/h deri në 166 km/h. Shoferët e këtyre mjeteve ishin shqiptarë të Kosovës.
Deri në orët e vona e mbrëmjes të së dielës, janë skanuar nga makina inteligjente dhe radarët automatikë në lëvizje, 362 mjete që qarkullonin me shpejtësi nga 115 km/h deri në 134 km/h.
Ndërsa në aksin rrugor Thumanë – Milot janë evidentuar nga patrullimet në lëvizje, 89 raste të parakalimeve të gabuara. Shoferët që kryen parakalime të gabuara u gjobitën.
Janë gjobitur me 10 mijë lekë 12 shoferë për parakalime të gabuara në kthesa, me rrezikshmëri për përfshirje në ngjarje rrugore.
Policia i bën apel shoferëve që të zbatojnë rregullat e qarkullimit rrugor, për të shmangur aksidentet.
S.C//ReportTv.al