Sot në qytetin e Korçës lëvizjet e qytetarëve janë shumë të pakta. Duket se ka rënë ndjeshëm lëvizja e këmbësorëve. Ata qytetarë që janë në lëvizje duket se janë të pajisur me leje, kanë përfunduar pazaret e përditshmërisë, furnizimet me ushqime apo blerjen e barnave dhe nxitojnë për të mbërritur në banese brenda orës të përcaktuar.
Ka dhe një numër të vogël pensionistësh, të cilët dalin sepse janë të vetmuar dhe nuk ka kush iu blen ushqimet apo barnat. Pavarësisht daljes së tyre ata tregojnë ndërgjegjësim sepse nuk dalin pa arsye apo të tregohen të shkujdesur.
Vihet re rritje e ndërgjegjësimit të qytetarëve të Korçës dita ditës sa i përket respektimit të masave dhe lëvizjeve të cilat sot janë rralluar shumë, ndoshta edhe reshjet e shiut kanë ndikuar.
Sakaq forcat e policisë dhe ushtrisë të stacionuara në pika kyçe, por dhe patrullat lëvizëse, monitorojnë situatën, kontrollojnë lejet përkatëse të qytetarëve që janë në lëvizje, por edhe drejtuesit e mjeteve për të parë nëse janë duke shkelur ose jo masat e përcaktuara.
Lajmi kryesor:
Dëbora dhe shiu mbyllin qytetarët në shtëpi, boshatisen tregjet! Në rrugë, vetëm ata me 'arsye të fortë' (VIDEO)
Ne.k.//ReportTv.al