Kombëtarja shqiptare e futbollit është me mendje te Europiani 2024, ku në Gjermani do përballet me Italinë, Spanjën dhe Kroacinë në grupin B. Veç saj, në datën 8 shkurt në Paris do hidhet shorti për edicionin e katërt në Ligës së Kombeve.
Kuqezinjtë e Sylvinhos, për Ligën e Kombeve janë në Ligën B, në vazon e tretë dhe në grup me tanët janë ekipe si Mali i Zi, Irlanda dhe Sllovenia. Kundërshtarë këta që nuk mund të shortohen me tanët.
Kundërshtarët e tanëve në Ligën B janë të ndarë në tre vazo, me katër ekipe secila. Në vazon e parë janë rivalë si: Austria, Çekia, Anglia dhe Uellsi. Në vazon dy gjendet Finlanda, Ukraina, Islanda dhe Norvegjia, teksa në atë tre janë Gjeorgjia, Greqia, Turqia dhe Kazakistani.
Gjithçka për Ligën e Kombeve fillon në shtator të 2024 dhe sfidat janë me sistemin vajtje-ardhje. Shqipëria në dy sezonet e para ka garuar në Ligën C dhe pas suksesit të arritur në sezonin 2020-2021 duke u renditur në vendin e parë në Grupin 4 të Ligës C, ka avancuar në Ligën B. Edhe këtë sezon kuqezinjtë ndodhen në Ligën B, teksa synimi është kalimi në Ligën A.
Kalendari:
Ndeshja 1 – 5-7 Shtator 2024
Ndeshja 2 – 8-10 Shtator 2024
Ndeshja 3 – 10-12 Tetor 2024
Ndeshja 4 – 13-15 Tetor 2024
Ndeshja 5 – 14-16 Nëntor 2024
Ndeshja 6 – 17-19 Nëntor 2024
S.DH/ReportTv.al