Pas largimit të Grida Dumës nga detyra, mandati deputetes i kalon moderatores së njohur, Ori Nebijaj. Por për shkak të angazhimve të saj në televizion, moderatorja ende nuk ka dhënë një konfirmim nëse do e pranojë detyrën.
Së fundmi, Nebijaj ka folur edhe në emisionin ‘Për’puthen’ të cilin e moderon ku ka rrëfyer edhe emocionet për postin që e pret.
Moderatorja u shpreh se i dridhen gjunjët për çdo votë që e zgjodhi e për ata që do e votojnë më vonë.
“E vërteta është që më dridhen gjunjët për çdo votë për ata që zgjodhën që të më votojnë. E gjitha analiza dhe strumbullimi që kam e kam vetëm për këtë gjë. Duket sikur të gjitha përmendet që i janë bërë këtij emisioni në arenën e Kuvendit, sikur thërritën njëra tjetrën me energji, Aq shumë sa e kanë përmend Për’Puthen në Parlament, më duket si trajnim tani…”, tha ajo.
Kujtojmë se moderatorja reagoi përmes një postimi në rrjetet sociale ku tha se çështja e mandatit të deputetes është rikthyer në vëmendje, por asaj i duhet kohë për të peshuar zgjedhjet. Ajo shprehet se në momentin e parë që u përfshi në politikë, pati kohën e duhur për t’u angazhuar në fushatë me gjithë zemër, e jo vetëm për të mbështetur forcën e saj politike.
Mandati i lënë nga Duma i kalon Nebiajt, pasi kjo e fundit në zgjedhjet parlamentare të 2021 siguroi 5606 vota preferenciale.
G.MO/ReportTv.al