Policia Rrugore ka rritur ndjeshëm prezencën e efektivëve në rrugë, ndërsa bën me dije se ditën e sotme janë evidentuar disa drejtues mjetesh që qarkullonin me dyfishin e shpejtësisë së lejuar.
Me një njoftim për mediat, Policia thotë se u parandalua edhe një aksident i mundshëm, pasi një 24-vjeçar nga Korça u konstatua duke ecur në rrugën Tiranë-Elbasan me shpejtësi 170 km/orë.
Nga kontrollet parandaluese, vetëm përgjatë 2 javëve të para të muajit qershor, për këtë shkelje janë konstatuar dhe proceduar 306 drejtues automjetesh, ku 171 prej tyre u është pezulluar leja e drejtimit për shpejtësi mbi normat e lejuara, ndërsa 135 të tjerë janë proceduar për mosrregullim shpejtësi në qendrat e banuara nga 10.000-40.000 lekë të rinj.
Policia i bën apel shoferëve që të respektojnë rregullat e qarkullimit rrugor dhe 'të mos fluturojnë në rrugë'.
//ReportTv.alKomente
Nuk disiplinohet trafiku me police dhe me radare primitive si ne kohen e monizmit,duhen radare elekronik qe gjobit CDO shkeles te qarkullimit rrugor ashtu si funksjonon ne BE
Përgjigju