Mbyllja e përkohshme e llogarisë në Twitter i adoleshentes franceze Mila, ka bërë që kompania të bie pre e sulmeve të shumta nga shoqëria civile. Adoleshentja është përballur me ngacmime dhe kërcënime me vdekje në internet që kur postoi një video virale, në të cilën kritikohej islami vitin e kaluar.
Duke shpjeguar kontekstin e pezullimit të saj, avokati i Mila Richard Malka i tha agjencisë së lajmeve AFP se ajo kishte marrë për herë të parë komente urrejtjeje pasi postoi një vizatim të fëmijërisë në llogarinë e saj në Twitter.
"Sapo kisha gjetur vizatime të vjetra qëkur isha fëmijë dhe u kënaqa duke postuar njërën nga ato në Twitter. Ishte një vizatim i një kruasanti,"tha ajo.
Disa minuta më vonë, ajo tha se gjeti dhjetëra, pastaj qindra mesazhe fyese. Mila më pas iu përgjigj fyerjeve në llogarinë e saj, të cilat mund të kishin nxitur bllokimin e llogarisë.
Rrjeti social fillimisht pretendoi se Mila kishte shkelur rregullat të ngacmimit, por llogaria e Mila u riaktivizua përfundimisht të hënën.
"Hej, unë jam kthyer!" shkroi ajo.
Rasti i të resë tërhoqi vëmendjen e mediave franceze vitin e kaluar pasi ajo postoi një video anti-Islam që nxiti kërcënime me vdekje dhe një fushatë urrejtjeje në internet kundër saj, duke e detyruar adoleshenten të linte shkollën.
Komente
Nëse islami është anti-liberal kjo nuk dobtë thotë që liberalët janë anti-islamikë! Nëse islami ndihet i fyer nga e drejta e shprehjes ky është problem i tij dhe jo shkelje e të drejtës së shprehjes! Të mbash me hatër një tufë injorantësh ekstremistë me justifikimin e besimimit fetar dhe të mbyllësh llogarinë në Twiter të një personi që ushtron të drejtën e shprehjes do të thotë që jemi pranë vendosjes së DIKTATURËS SË INJORANCËS!
Përgjigju