Dy shqiptarë janë arrestuar pasi përdornin një shtëpi për kultivim të kanabisit në Blackpool të Britanisë së Madhe. Në pranga ranë Frrok Zefi, 42 vjeç dhe Aldi Gjetani, 27 vjeç, të cilët akuzohen se mbollën 950 bimë kanabis në 'shtëpi bari', ndërsa u sekuestruan rreth 1 milionë paund, që mendohet se janë përfituar nga ky aktivitet i paligjshëm.
Sipas hetuesve shtëpitë e barit, shqiptarët kishin bërë shumë lidhje të paligjshme të energjisë elektrike që shërbenin për rritjen e bimëve të kanabisit, që përbënin gjithashtu rrezik edhe për rënie të zjarrit. Gjithashtu ata kishin fortifikuar dyert, muret e banesë dhe kishin mbyllur të gjitha dritaret për të mos krijuar dyshime dhe kishin krijuar sistem ajrimi të brendshëm.
Arrestimi i tyre u bë më 13 shtator, ndërsa sot ata pritet të dalin para drejtësisë për masën e sigurisë. Përfshirja e shqiptarëve në 'shtëpi bari' në Angli janë raste të përsëritura, ku disa prej tyre tashmë ndodhen pas hekurave të qelisë për mbjellje të kanabisit.
Kanabisi që kishin mbjellë dy shqiptarët në 'shtëpinë e barit' në Angli
