Në një hap të rëndësishëm për arsimin në Shqipëri, Suapr. u lançua zyrtarisht më 25 Mars 2024.
Brenda javës së parë pas lançimit, platforma inovative arsimore Suapr.com, regjistroi mbi 128 mijë kërkesa (requests), duke theksuar nevojën e lartë dhe ndikimin e menjëhershëm të këtij shërbimi revolucionar në arsimin shqiptar.
Geart Ferhati, Themeluesi i Suapr.com dhe njëkohësisht nxënës në gjimnazin “Sami Frasheri”, Tiranë, shprehet se: “Me Suapr, ne synojmë të ofrojmë një mënyrë të re në mësim-nxënie, duke përdorur mjetet e ofruara nga AI. Po punojmë me përkushtim për të zhvilluar teknologjitë e reja AI që mundësojnë krijimin e avatarëve të personalizuar nga fotografitë në kohë reale dhe testet e shënimet të gjeneruara nga SuaprAI.”
Suapr.com është platforma e parë në Shqipëri dhe Europë e cila integron teknologjinë AI në arsim. Kjo e bën Shqipërinë pararojë të zhvillimeve teknologjike jo vetëm në rajon por edhe më gjerë.
Suapr ofron një spektër të gjerë të mjeteve dhe burimeve arsimore, të personalizuara për të përmbushur nevojat dhe stilin e mësimit të çdo nxënësi. Në zemrën e qasjes së Suapr është metodologjia e saj e orientuar nga zgjidhjet, duke ofruar shpjegime të plota dhe të detajuara për çdo ushtrim, duke bërë mësimin më interaktiv dhe tërheqës përmes shpjegimeve me zë dhe avatarëve të personalizuar.
Suapr është i thjeshtë për t'u përdorur, duke u lejuar nxënësve të navigojnë me lehtësi midis lëndëve të ndryshme dhe materialeve mësimore, përfshirë mësimet video, ushtrimet e zgjidhura, shënimet dhe testet. Me një “bibliotekë” të pasur prej mbi 2000 ushtrimesh të zgjidhura në lëndë kyçe si Matematikë,
Fizikë, Kimi dhe Biologji, të gjitha të verifikuara për cilësinë nga mësues me mbi 25 vjet përvojë, Suapr siguron kuptimin e plotë dhe aftësitë për zgjidhjen e problemeve për nxënësit.
Për më shumë informacion rreth Suapr, vizitoni https://suapr.com
M.Q./ReportTv.alKomente
Shyqyr qe dolem ne vend te pare per te mire jo per keq, paskemi lene mrapa te gjithe me Gjermani e me amerikon bravo
Përgjigju