Kombëtarja e Italisë është duke menduar për t'u shkëputur me trajnerin Roberto Mancini. Sipas La Repubblica, drejtuesit e Federatës kërkojnë të ndryshojnë klimën në ekip, teksa edhe Mancini ka kritikuar të tijtë për pjesën e dytë kundër Maltës në kualifikueset e Euro 2024, paçka fitores.
Dështimi për të shkuar në Botëror duket se lëkundi pozitat e Mancinit, ndërsa edhe humbja me Anglinë pak ditë më parë ka trazuar ujërat në kampin e të kaltërve. E ardhmja e trajnerit duket se është larg Italisë, më konkretisht në dy shtete.
PSG në Francë po mendon që të shkëputet nga Galtier në fundin e sezonit, teksa po sheh mundësinë që të afrojë trajnerin kampion Evrope në stol, kjo pas dështimit të tyre në Champions League.
Opsioni tjetër është Tottenham, me Spurs që ende nuk e kanë një trajner përfundimtar dhe gjasat janë që të ketë një ofertë për Mancinin, që shihet si zëvendësuesi i Contes së shkarkuar.
S.DH/ReportTv.al