Pronari i një lokali në Kuçovë është gjobitur me 1 milionë lekë pasi është konstatuar se e ka mbajtur biznesin e tij hapur edhe pas orës 22:00, duke shkelur kështu Aktin Normativ për masat anti -COVID.
Policia e Beratit njofton se biznesi ndodhet në lagjen “Tafil Skëndo”, në Kuçovë.
Njoftimi i plotë i Policisë Berat
Vijojnë kontrollet nga Policia e Beratit për parandalimin e përhapjes së COVID-19. Ndëshkohet me masë administrative 1.000.000 lekë, 1 subjekt në Kuçovë, pasi u konstatua duke ushtruar aktivitet në kundërshtim me Aktin Normativ.
Strukturat e Policisë Berat, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masave për parandalimin e përhapjes së COVID-19.
Si rezultat i kontrolleve, shërbimet e Policisë kanë evidentuar dhe ndëshkuar me masë administrative 1.000.000 lekë subjektin në pronësi të shtetasit D. K.
Në lagjen “Tafil Skëndo”, Kuçovë, pasi u konstatua i hapur dhe duke i shërbyer klientëve pas orës 22:00, në kundërshtim me Aktin Normativ.
K.T./ReportTv.al