Në Tiranë këtë të hënë u mbajt konkursi për ndërtimin e projektit të muzeut “Besa” që i dedikohet historisë së shpëtimit të hebrenjve nga shqiptarët gjatë Luftës së Dytë Botërore.
Në garë për ndërtimin e muzeut janë 5 studio prestigjioze nga Holanda, Turqia, Britania dhe Zvicra, ndërsa fituesi do të shpallet rreth orës 16:30.
Më herët kreu i qeverisë e cilësoi këtë vepër si një destinacion të ri në qytet për të gjithë ata që duan të njihen me këtë faqe të lavdishme të historisë së shqiptarëve.
Ndërsa ministrja e kulturës Elva Margariti tha se një muze i tillë nuk ekziston në asnjë vend tjetër.
Ky është muzeu i dytë që do të përfshijë historinë, traditën, kulturën dhe artin hebraik që do të ndërtohet në Tiranë ndërsa muzeu i parë do të jetë në Vlorë.
M.T//ReportTv.al
Komente
Dhe pastaj ankohen pse ikin studente e te diplomuar e pse falimentojne universitete! Filloni qe ketu-SHTETI NUK U JEP PRIORITET ARKITEKTEVE SHQIPTARE E STUDIOVE SHQIPTARE,por preferon studio e arkitekte te huaj. Turp e keqardhje!
Përgjigju