Deputeti Plarent Ndreca në emisionin “Kontrast” në Report TV është pyetur lidhur me diskutimin e fundit të ngritur nga kryedemokrati Lulzim Basha i cili tha se PS po të ngrejë komision për të kontrolluar SPAK-un, deklaratë që u cilësua gënjeshtër nga ministrja Elisa Spiropali. Ndreca u shpreh se asnjë prej pushteteve nuk është i pakontrollueshëm dhe bëhet fjalë për një strukturim të raportimit të institucioneve.
“S’ka lidhje me këtë. Ka lidhje me idenë që ka vetë kushtetuta. Parimin check and balance prandaj e ka kushtetuta. Asnjë prej pushteteve nuk është i pakontrollueshëm i pavarur. Secila prej institucioneve të pavarura ka detyrim të raportojë. Ky raportim duhet të jetë i strukturuar. Ka pasur raportim formal por jo të strukturuar. Strukturimi i këtij raportimi në mënyrë që edhe kuvendi të ketë rolin e tij kushtetues besoj se duhet të jetë më i qartë dhe më i strukturuar mendoj unë por nuk ka ende një dokument të definuar. Nuk ka asgjë për t’u fshehur se nuk bëhen fshehtas”, shtoi Ndreca.
Lajmi kryesor:
Plarent Ndreca: Të rigjykohet 21 janari, SPAK duhet ta marrë në dorë çështjen pas vendimit të Strasburgut, e kanë detyrim ta zbatojnë
B.K//ReportTv.al