Katër persona janë vënë nën hetim këtë të premte pasi kanë mashtruar një qytetare përmes faqes online ku reklamonin produkte shtëpiake.
Specialistët për Hetimin e Krimeve në Dibër, referuan materialet në Prokurori për M.E., 26 vjeç; O.M., 43 vjeç; E.Gj., 38 vjeç dhe A.Sh., 44 vjeç.
“Specialistët për Hetimin e Krimeve në DVP Dibër, referuan materialet në Prokurori ku nisi procedimi penal për shtetasit : M.E., 26 vjeç; O.M., 43 vjeç; E.Gj., 38 vjeç; A.Sh., 44 vjeç; të gjithë banues në Tiranë, pasi në bashkëpunim me njëri tjetrin, posedonin një faqe online ku reklamonin produkte shtëpiake, dhe nëpërmjet saj kanë mashtruar shtetasen D.H., në shitjen e një produkti”, sipas policisë.
Gjatë 24 orëve të fundit, një person ra në pranga, pasi ushtroi dhunë psikologjike dhe fizike ndaj gruas së tij në fshatin Topojan, e cila ishte e pajisur me urdhër mbrojtjeje.
“Specialistët për Hetimin e Krimeve të Komisariatit të Policisë Bulqizë, arrestuan në flagrancë shtetasin S.C., 55 vjeç, banues në fshatin Topojan, pasi ka ushtruar dhunë psikologjike dhe fizike ndaj bashkëshortes së tij, e cila ishte e pajisur me urdhër mbrojtje”, thekson policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
SI.E./ReportTv.al