HIMARË- Një tjetër i kërkuar në kuadër të operacionit të mashtrimit të iniciuar nga SPAK dhe autoritetet italiane ka rënë në pranga sot në Himarë. Bëhet fjalë për Bruno Gjikën, 31-vjeç, banues në Tiranë. Me arrestimin e të riut, numri i të arrestuarve ka shkuar në 10.
Operacioni i koduar ‘Fitmet e Ëndrrave’ hodhi përtokë skemën e ‘ekspertëve’ të mashtrimit të cilët merrnin para dhe investonin në Bitcoin dhe kriptomonedha.
5 nga të arrestuarit janë lënë në arrest me burg ndërsa 4 të tjerë janë lënë në arrest shtëpie.
Në ‘arrest në burg’ janë lënë:
- 1- Hamit Dobi
- 2- Erion Kastrati
- 3- Aldo Pasku
- 4- Gjin Shelnishta
- 5- Mojsi Zuna
- 6- Bruno Gjini (i arrestuar sot)
Në ‘arrest në shtëpi’ janë lënë:
- 1- Greta Gjoci
- 2- Olta Toci
- 3- Rezarta Ibrahimi
- 4- Silvana Veliu
Në kërkim janë shpallur personat me iniciale: B.Ç., O.C., B.Gj (Bruno Gjini, i arrestuar sot); A.M., dhe F.B.,
Si funksiononte
Viktimat kontaktoheshin përmes telefonit. Bindeshin të investonin në shifra të vogla me pretendimin se nuk do të humbisnin gjë dhe më pas i stimulonin të investonin në shuma të mëdha që të pasuroheshin. Viktimat shikonin si trefishohej investimi i tyre në pak ditë në platforma të falsifikuara e konfiguara enkas për ta duke ia bërë më të besueshme fitimin. Më pas paratë e tyre në pjesën më të madhe shkonin në kriptovalutë dhe në llogari të huaja të pagjurmueshme.
G.MO/ReportTv.al