Ministri i Brendshëm Bledi Çuçi ka përshëndetur operacionin e sotëm që çoi në prangosjen e 17 policëve dhe dërgimin në ‘arrest shtëpie’ të 14 të tjerëve.
Çuçi ka thënë se ky ishte një hetim model për ndëshkimin e korrupsionit dhe shpërdorimit të detyrës.
“Përgëzime Agjencisë së Mbikëqyrjes Policore (ish SHÇBA) për hetimin profesional që çoi në pranga dhjetëra punonjës policie të Pikës Kufitare në Morinë. Ishte një hetim model për ndëshkimin e korrupsionit dhe shpërdorimit të detyrës. Jemi të vendosur për të pastruar Policinë e Shtetit nga punonjësit e korruptuar, për të cilët s’ka vend në radhët e kësaj trupe”, ka deklaruar Çuçi.
Lajmi kryesor:
Korrupsioni 'fshin' Drejtorinë e Kufirit në Kukës! Merrnin para në Morinë, 17 policë shqiptarë në pranga, 14 në ‘arrest shtëpie'! I pezulluar edhe drejtori Kaçorri! 26 të prangosur edhe në Kosovë
K.T./ReportTv.al