Një 23-vjeçar shqiptar i shpallur në kërkim për veprimtari kriminale që lidhen me drogë u ekstradua të premten drejt Spanjës.
23-vjeçari Renato Toro, banues në Fier, u arrestua më 6 maj nga Policia e Fierit, si rezultat i operacionit policor të koduar “Vilanova”.
Renato Toro ishte shpallur në kërkim ndërkombëtar, pasi një Gjykata Penale 2 e Vilanova-s në Spanjë, më 20 gusht të vitit 2021 kishte nxjerrë urdhër arresti ndaj tij për veprimtari kriminale në fushën e narkotikëve dhe kundër shëndetit publik, të parashikuara në Kodin Penal spanjoll.
Policia njofton se vijon bashkëpunimi me homologët e Spanjës për lokalizimin, kapjen dhe ekstradimin e personave të shpallur në kërkim ndërkombëtar.
G.MO//ReportTv.al
Komento
Komente
Po pse ket tmarumin gjetet me nis tparin a skishte te tjer para ktij hajde shtet hajde
Përgjigju