LEZHË- Në Portin e Shëngjinit ka nisur puna për ndërtimin e qendrës për pritjen e emigrantëve, pas nënshkrimit të marrëveshjes me qeverinë italiane. Report Tv sjell pamjet nga punimet, ku siç shihet është rrethuar zona ku do ndërtohet qendra pritëse. Punëtorë e mjete ndodhen në terren prej dy ditësh, ndërsa përmes këtyre pamjeve dallohet se punimet janë ende në fazën fillestare. Fillimisht është rrethuar vendi i përcaktuar brenda portit për ngritjen e qendrës pritëse, e më pas do të nisë puna për ndërtimin e saj.
Investimi po realizohet me fonde të Qeverisë Italiane, e po kështu edhe mbikëqyrja e punimeve po bëhet nga ata. Sipërfaqja e përcaktuar për ngritjen e qendrës pritëse për refugjatet dhe prezenca e tyre aty nuk do të cenojë punën e portit të Shëngjinit.
“Sipërfaqja e kërkuar nga pala italiane është diku te 3900-4000 mijë metër katrorë brenda territorit të Portit. Diku 10 ditë ka që pala italiane ka bërë vetëm rrethimin e zonës që ne u kemi dhënë në përdorim. Sipërfaqja që u kemi dhënë nuk na pengon ne në përpunime apo aktivitetin që ka Porti i Shëngjinit. Diku nga fundi i majit ose mesi pritet që të vijnë emigrantët e parë”, tha për mediat Sandër Marashi, drejtori i Portit Shëngjin.
Krahas qendrës pritëse në Portin e Shëngjinit, punimet kanë nisur edhe në Gjadër të Lezhës, për dy kampet për strehimin e emigrantëve. Sipas marrëveshjes të nënshkruar mes dy vendeve, refugjatët e parë pritet të mbërrijnë në vendin tonë nga 20 maji.
Kjo qendër që po ndërtohet në Portin e Shëngjinit, do të shërbejë për pritjen e emigrantëve, ku do të qëndrojnë në karantinë për 48 orë dhe më pas nga aty, ata do të transportohen me autobusë rreth 35 km në kampin e Gjadrit.
Investimi me vlere 653 milion euro po bëhet me fonde të qeverisë italiane bazuar në marrëveshjen Rama-Meloni firmosur në nëntor 2023. Maksimumi i kapacitetit të kampit në një vit do të jetë pritja e 36 mijë refugjatëve. Emigrantët do të qëndrojnë në kampin e Gjadrit gjatë periudhës që kryhen procedurat për azil.
SI.E./ReportTv.alKomente
Shume faleminderit z.Rama qe na e ktheve vendin ne landfill njerezish!
Përgjigjupopulli i lezhes te ngrihet dhe te prishe kete kamp qensh,,qe do na demtoje turizmin ne shqiperi...
PërgjigjuKush e kapi tenderin per ndertimin e kampit or teeeejjjjj
Përgjigju