MAQEDONI E VERIUT- Presidenti i Republikës së Maqedonisë së Veriut, Stevo Pendarovski i ka dorëzuar ditën e sotme mandatin kreut të LSDM-së, njëherësh edhe kryetarit të koalicionit “Mundemi” Zoran Zaev për formimin e qeverisë së re.
Sipas Kushtetutës, kreu i LSDM-së brenda 20 ditëve duhet të sigurojë shumicë parlamentare prej 61 deputetëve për formimin e qeverisë së re. Ditën e fundit Zaev ka zhvilluar takime të shumta me kryetarin e Bashkimit Demokratik për Integrim Ali Ahmeti, me të cilin ka shpresat me të madha për të arritur koalicion.
LSDM, në zgjedhjet e parakoshme të 125 korrikut siguroi 46 vende në parlament, ndërkohë që BDI-JA vetëm 15. Pengesa më e madhe në diskutime, mendohet të jetë kërkesa e partisë shqiptare për një kryeministër shqiptar./ Përgatiti Suada Mehmetaj
B.K./ReportTv.al