Manchester City ka fituar aktin e parë të gjysmëfinaleve ndaj PSG dhe “prek” finalen e Champions League. De Bruyne-Mahrez “pushtojnë” Parisin dhe bëjnë që Pep Guardiola të triumfojë në ndeshjen e parë gjysmëfinale si trajner i Cityt. Pjesa e parë u dominua nga vendasit që kaluan edhe në avantazh me golin e mbrojtësit brazilian Marquinhos në minutën e 15-të por anglezët përmbysën gjithçka në 45 minutat e dyta duke dalë në lojën e tyre. Kapiteni De Bruyne barazoi shifrat në minutën e 65-të duke surprizuar edhe portierin vendas Keylor Navas.
Ndërsa goli i fitores erdhi pak minuta më vonë me algjerianin Mahrez që shënoi golin e fitores. Triumf i rëndësishëm që e afron Cityn me finalen e madhe të Stambollit por gjithçka do vendoset të martën e ardhshme në Manchester ku çdo gjë mund të ndodhë. Finalisti tjetër do dalë nga çifti Chelsea- Real Madrid./ Përgatiti Andi Kapxhiu
K.T.//ReportTv.al